Springalia Buses Delicacies
Vinni lu tiempu c’a l’Antica Nanna
Cci sciurìa nna li manu la ferra
e a San Giusippuzzu, a lu Burduni,
Cci sciurìa nna li manu lu vastuni,
e a San Giuseppi di lu Bagnascu,
l’uocchi Cci lucianu e ‘un era luscu…
E si si’ amanti di poesia
e lu si’ puru di funci di ferra,
viri sciuruta tutta la campagna.
La nanna lassava la quasetta,
lassava li fierri e pigghiava li busi,
e, un puntu a carcagnu, un puntu a quasetta,
gghiòmmari di lana maritata
scuddariava cuomu fussiru strùmmuli…
Aspetta ca finisciu la busata!…
cci dissi la mugghieri a lu maritu,
ca cci ittava la porta ‘n terra,
a du’ uri di notti, assicutatu,
di li brianti di Aria a la ferra….
Arriva la vigilia d’Ascenzioni
e lu Signuri lieggiu s’àvìa a tèniri,
pi’ spiccari lu vuolu pi’ li Cieli
di la terrazza di lu Cravaniu,
unni ‘n pricissioni lu purtavanu;
li cavatieddi si priparavanu
cu scura farina di tumminìa
e a la busa s’agghiummariavanu
di paraccu sfasciatu e nostalgia
di la belle époque di la vita…
Lu tiempu vinni, asciuttu e profumatu
di inestra e di rosi spampinati
ca, toties quoties, s’arricampava,
lu miraculusu Fra’ Binnardu,
ca crapi e piecuri miracolàverat
di la patologia di lu chiuvardu
a li Principi di Santu Vicienzu,
e, taliannu nn’avanti, a cu viri?!
‘d’insigne parentado, quel portento’…
O sanguis meus…, cci vinni di lu piettu,
finalmenti qualcosa nni nni vinni,
di l’arii di destra e di sinistra,
di lu Cravaniu e di la Funtanedda,
di nni la Chiazza e di la Tribunedda,
duoppu tant’anni di mal’annata,
cu la cugghiuta di sta stasciunata
‘na bedda ‘mposta àm’a ad armari,
cu sìdici viesti e du’ urdunari,
sacchi, visazzi e visazzuotti, chini
di ciciri, favi e tallarò
e ‘n frotta ‘ntipàri pi Gibilimanna
pi ghir’a diri grazzi a la Madonna
ca di li vienti la rosa cumanna...
Didacus
Iscriviti
ed inizia a pubblicare i tuoi contributi culturali
REPORTER
02/02/2008
SCIARRÌA TANGO
DIDACUS
20/11/2014
POLYGLOT, KEPHALOS, TIEMPU RU CAPUNI…
DIDACUS
16/11/2013
NOVEMBER SUK EL BARBARA
DIDACUS
10/09/2014
VIRTUALIA ENDOSCOPIES
DIDACUS
06/07/2013
ITALIA IMMUTANDA EXAMINA
DIDACUS
02/06/2014
ALIA OVINE PERICARDIA
GUCCIONE DIEGO
14/02/2017
BALARM BAKER STREET SAUKI LOVES
REPORTER
08/12/2005
L’ASINA E LA MULA
REPORTER
01/11/2005
CHRISTMAS EXPRESS MAIL@
DIDACUS
09/06/2013
NOBISCUM ALICUBI FUISTISNE?!...
DIDACUS
03/10/2012
RAPPARINI PLUMS URFA MARMALADE SANDWICHES
DIDACUS
23/02/2009
AT ALIA A BAGNASCOS’ MASTERPIECE
REPORTER
17/12/2007
LA NUVENA DI LU BAMMINIEDDU
GUCCIONE DIEGO
09/04/2017
PASCALIA P GLOSSARIUM
CONCIALDI RINO
26/04/2007
L’OROLOGIO CHE…SFIRRAVA
CONCIALDI RINO
06/02/2007
‘U RUFFIANU
REPORTER
06/12/2005
LA GESTIONE DEL BUDGET ANNUALE
CONCIALDI RINO
21/06/2007
A..LI CANNULEDDA